विद्यालयको परीक्षा चैत ५ भित्र सकाऊ
काठमाडौंः सरकारले देशबाहिर भइरहेको कोरोना भाइरस (कोभिड १९) को संक्रमणलाई ध्यानमा राख्दै शैक्षिक वर्ष २०७६ को परीक्षा आगामी चैत ५ सम्म सम्पन्न गरिसक्न सूचना जारी गरेको छ । शिक्षा, विज्ञान तथा प्रविधि मन्त्रालयले आज जारी गरेको सूचनामा ‘भाइरसको संक्रमण र सन्त्रास बढदै गएको सन्दर्भमा आवश्यक सतर्कता अपनाउनु उपयुक्त हुने देखिएकोले कक्षा १ देखि ९ सम्मको परीक्षा यथाशीघ्र प्रारम्भ गरी आगामी चैत ५ भित्र सक्न….’ उल्लेख छ । यसै गरी विद्यालयमा सभा समारोह, वार्षिक उत्सव लगायतका भेला नगर्न पनि विद्यालयहरुलाई आव्हान गरिएको छ ।
प्रतिक्रिया