निको हुनेको संख्या निरन्तर वृद्धि

मङ्सिर २३,काठमाडौं।
कोरोना भाइरस संक्रमण निको हुनेको संख्या नेपालमा लगातार वृद्धि हुदै गएको छ। कोरोना संक्रमण भई विभिन्न अस्पतालमा उपचार गराउदै आएका तथा आइसोलेशनमा बस्दै आएका कोरोना आज ३ सय २९ जना संक्रमितहरु निको भएसंगै निको हुनेको संख्यामा वृद्धि देखिएको छ।
नेपाल सरकार स्वास्थ्य तथा जनसंख्या मन्त्रालयबाट जारि कोरोना सम्बन्धि अद्यावधिक जानकारी अनुसार लगातार २ दिन देखि निको हुनेको संख्यामा वृद्धि देखिएको हो। मन्त्रालयका अनुसार देशभर संक्रमण मुक्त हुनेको कुल संख्या ८ लाख ५ हजार ९ सय पुगेको छ। नेपालमा निको हुने दर ९७ दशमलव ८ प्रतिशत रहेको मन्त्रालयको अद्यावधिक जानकारीमा उल्लेख गरिएको छ।
आज देशभर बाट ९ हजार ४ सय ५१ जनाको नमुना परिक्षण गर्दा २ सय ११ जनामा संक्रमण समेत देखिएको मन्त्रालयले जनाएको छ। योसंगै कुल संक्रमित संख्या ८ लाख २३ हजार ५ सय ५४ पुगेको हो भने नेपालमा कुल मृतक संख्या ११ हजार ५ सय ४९ पुगेको छ। आज २ जना संक्रमितको मृत्यु भएको मन्त्रालयले जनाएको छ।
देशभर ६ हजार १ सय ५ जना सक्रिय संक्रमित रहेको पनि मन्त्रालयले बताएको छ। हाल देशभर ३३ लाख ७ हजार १ सय ७२ जना विभिन्न उमेर समुहका व्यक्तिहरुलाई कोरोना विरुद्धको खोप लगाईसकेको स्वास्थ्य मन्त्रालयले जनाएको छ।