साढे तीन सय बढि संक्रमण मुक्त

मङ्सिर २०,
आज देशभरबाट साढे तीन सय भन्दा अधिक संक्रमितहरु संक्रमण मुक्त भएका छन्। स्वास्थ्य तथा जनसंख्या मन्त्रालय मन्त्रालयले जारि गरेको अद्यावधिक जानकारी अनुसार आज ३ सय ५७ जना संक्रमण मुक्त भएका हुन्। यो संगै कुल संक्रमण मुक्त भइ घर फर्कनेको संख्या ८ लाख ४ हजार ९ सय १ पुगेको छ। नेपालमा संक्रमण निको हुने दर ९७ दशमलव ८ प्रतिशत देखिएको छ। आज ८ हजार ६ सय १७ जनाको गरिएको नमुना परिक्षणबाट २ सय ६५ जनामा संक्रमण पुष्टि भएको मन्त्रालयको अद्यावधिक जानकारीमा उल्लेख गरिएको छ। कुल संक्रमित संख्या ८ लाख २२ हजार ८ सय ३० प्य्गेको छ भने आज २ जना संक्रमितको ज्यान गएको मन्त्रालयले जनाएको छ।
नेपालमा संक्रमण भई ज्यान गुमाउनेको कुल संख्या ११ हजार ५ सय ४३ छ। हाल देशमा ६ हजार ३ सय ८६ जना सक्रिय संक्रमित उपचाररत रहेको मन्त्रालयले जनाएको हो। ९८ जना अहिले पनि क्वारेण्टाईनमा रहेका छन्।