काठमाडौ २० मंसिर
नेपालमा पनि कोरोना भाइरसको नयाँ भेरिएन्ट ओमीक्रोन भित्रिएको पुष्ट भएको छ । विभिन्न मुलुकमा आक्रमक रुपमा देखिएको सबैभन्दा संक्रामक मानिएको यस भाइरसका दुईजना संक्रमित नेपालमा पनि भेटिएका छन् ।
स्वास्थ्य तथा जनसंख्या मन्त्रालयले आज पत्रकार सम्मेलन गर्दै ओमिक्रोन भेरियन्टको सङ्क्रमण पुष्टि भएको जनाएको हो।
मन्त्रालयका अनुसार दक्षिण अफ्रिकाबाट आएका दुई जनाको नमुना संकलन गरेर जिन स्विकन्सिङ गर्दा ओमिक्रोन भेरियन्टको सङ्क्रमण भेटिएको हो ।
स्वास्थ्य तथा जनसंख्या मन्त्रालयका अनुसार नेपालमा आएका दुईजना विदेशी नागरिकमा ओमिक्रोनको संक्रमण पुष्टि भएको हो । जसमा नेपाल आएका ६६ वर्षीय र ७१ वर्षीय विदेशी नागरिक रहेको मन्त्रालयले जनाएको छ ।
नेपालमा ओमिक्रोन संक्रमित भेटिएपछि यसको बारेमा छलफल गर्न स्वास्थ्य मन्त्रालयमा मन्त्रिस्तरीय बैठक बस्न लागेको छ ।
सबैभन्दा पहिले यो भाइरस दक्षिण अफ्रिकामा भेटिएको थियो। भारतका विभिन्न प्रान्तमा १८ जनालाई यो भाइरस संक्रमण देखिइसकेको छ ।
विश्व स्वास्थ्य संगठनका अनुसार यो भेरियन्ट विश्वका करिब ४० मुलुकमा पुगिसकेको छ।
यो भेरियन्ट तीव्र संक्रामक भएकाले सचेत हुन संगठनले आग्रह गरिसकेको छ।
प्रतिक्रिया