काठाडौंसहित देशको आसपासका ठाउँमा हावाहुरीसँगै यस वर्षको पहिलो हिउँदे झरी सुरु भएको छ ।
यस पटक पश्चिमी न्यून चापीय प्रणालीको प्रभाव रहेको मौसम पूर्वानुमान महाशाखाले जनाएको छ । पश्चिमी न्यून चापीय प्रणालीको कारण हाल देशभर आँशिकदेखि सामान्य बदली भएको छ । आज (शनिबार) सुदूरपश्चिम र कर्णाली प्रदेशमा आंशिक बदली रही बाँकी प्रदेशका भूभागमा आंशिक देखि सामान्य बदली भएको छ । अहिले पनि आकाशमा डम्म बादल मडारिरहेकै छ ।
प्रदेश १ का अधिकांश स्थान तथा प्रदेश २, बागमती प्रदेश र गण्डकी प्रदेशका केही स्थानमा हल्का वर्षाको संभावना रहेको पूर्वानुमान महाशाखाले जनाएको छ ।
त्यस्तै, देशका उच्च पहाडी र हिमाली भूभागका केही स्थानमा हिमपात भएको छ ।
प्रतिक्रिया