भोलीदेखि कोरोना विरुद्धको खोप दिईदै

भारत सरकारले नेपाल सरकारलाई अनुदान स्वरुप दिएको कोरोनाविरुद्धको १० लाख डोज खोप भोली(बुधबार) देखि लगाईदै छ । शुक्रराज ट्रपिकल तथा सरुवा रोग अस्पतालका निर्देशक डा.सागरराज राजभण्डारीबाट खोप लगाउन सुरु गरिने छ ।
प्रधानमन्त्री केपी शर्मा ओलीले ठीक बिहानको १० बजे बालुवाटारबाट यो अभियानको सुरुवात गर्दै हुनुहुन्छ । अभियानको सुरुवात प्रधानमन्त्रीबाट भए पनि खोप दिन सुरु भने अस्पतालबाट नै हुने स्वास्थ्य मन्त्रालयका प्रवक्ता डा.जागेश्वर गौतमले घामछायाँलाई बताउनु भयो । सात वटै प्रदशबाट भोली खोप दिन थालनि गरिने छ । नेपालका ७७ वटै जिल्लामा भने १८ गतेसम्ममा खोप दिइने प्रवक्ताले जानकारी गराउनु भयो । केन्द्रको जनशक्ति अनुसार एउटा बुथबाट बढीमा १०० जनालाई खोप दिइने छ ।
यस्तै पहिलो चरणमा फ्रन्टलाइनमा खटिने चार लाख ३० हजार जनालाई खोप लगाइने छ । जसमा स्वास्थ्यकर्मी एम्बुलेन्स र शववाहनका चालक, महिला स्वास्थ्य स्वयंसेविका, जेलमा रहेको व्यक्ति र उनीहरुको सुरक्षामा खटिएका सुरक्षाकर्मी, विमानस्थल र नाकामा काम गर्ने कर्मचारहरु रहेका छन् ।