इतिहासमा आज (कुरो आज पनि त्यसैको छ )

विसं २००४ मा आजैका दिन नेपालीको इतिहासमा पहिलो पटक संविधान घोषणा गरिएको थियो । राणाशासन विरुद्ध बढदो उभार महशुस गरी त्यसलाई सामान्य राजनीतिक सुधार मार्फत रोक्ने तर जहाँनिया शासन कायमै राख्ने उद्देश्यका साथ नेपाल सरकारको वैधानिक कानुन २००४ जारी भएको थियो । यसबारे नेपालको प्रजातान्त्रिक आन्दोलन र नेपाली कांग्रेस शीर्षकको पुस्तकमा राजेश गौतमले लेखेका छन्,

पद्म शमशेरको अनुरोधको फलस्वरीमा भारतीय प्रम जवाहरलाल नेहरुले पनि प्रकाश गुप्ताको नेतृत्वमा रघुनाथ सिंह र रामउग्र सिंहको सल्लाहकार टोली नेपाल पठाए । …२००४ साल असार तिर आइपुगेको टोलीले पद्म शमशेर विरोधी गुटका कारण राम्ररी काम गर्न पाएन । तैपनि एउटा संविधानको रुपरेखा तयार गरी नेपाल सकारलाई बुझाई एउटा प्रेस वक्तव्य दिई भारत फक्र्यो ।
कृष्ण शमशेर हजुरीया जर्नेल भएपछि सबै परिस्थिति अध्ययन गरी प्रकाश गुप्ताको टोलीले तयार पारेको संविधानलाई केही परिवर्तन गरी तयार गर्न लगाए र विसं २००४ माघ १६ गते सोमवारका दिन पद्म शमशेरले नयाँ विधानको घोषणा गर्ने र साशन छोड्ने तथा त्यसपछि मोहन शमशेरले कार्यान्वयन गर्ने गरी सल्लाह मिलाए ।