नेपाल कम्युनिस्ट पार्टी (नेकपा) प्रचण्ड–माधव नेपाल समूहको विरोध प्रदर्शनले गर्दा काठमाडौं उपत्यकाको ट्राफिक व्यवस्थापनमा समस्या आएको छ ।
प्रदर्शनीमार्ग जाने सडक र भद्रकाली जानेको बीचमा मञ्च निर्माण गरेकोले ट्राफिक व्यवस्थापनमा समस्या आएको हो । यसले गर्दा त्यो रुट भएर चल्ने विभिन्न ठाउँका यात्रु र सवारी साधन प्रभावित भएका छन् । मूल सडकमात्र नभई भित्री सडकमा समेत ट्राफिक जाम भएपछि यात्रुहरुले सास्ती पाएका छन् ।
यतिबेला उपत्यकाका सबैजसो मुख्य सडकमा सवारी आगमन प्रभावित भएको छ। यसले गर्दा विरामी बोकेर अस्पताल जाने एम्बुलेन्ससहितका आपतकालिन् सेवाहरु प्रभावित बनेका छन्।
प्रचण्ड–माधव समूहले आज काठमाडौं र ललितपुरका बिभिन्न नौ स्थानबाट जुलुस निकालेर भृकुटीमण्डपमा विरोधसभा गर्दै छ । माइतीघर, चारखाल डिल्लीबजार, लैनचौर, त्रिपुरेश्वर, कुपण्डोल, प्रदर्शनीमार्ग, त्रिचन्द्र कलेज, शान्तिबाटिका लगायतका स्थानबाट निस्किने जुलुस रत्नपार्कमा भेला भएर मूल जुलुसको रुपमा परिणत हुने छ ।
प्रतिक्रिया