कांग्रेसले देशभरका वडाबाट विरोध प्रदर्शन गर्दै

फन्ट परिवर्तन गर्नुहोस:

  • change font
  • change font
  • change font

प्रधानमन्त्री केपी शर्मा ओलीले गत पुस ५ मा प्रतिनिधि सभा विघटन गरेको विरुद्ध नेपाली कांग्रेसले आज देशभरका गाउँ र नगरका वडाहरूबाट विरोध प्रदर्शन गर्दै छ ।

कांग्रेस सभापति शेरबहादुर देउवाले बुधबार सरकारको उक्त कदमविरूद्ध वडाहरूबाट सक्रियताका साथ विरोध प्रदर्शन गर्न अपिल जारी गरेका थिए ।

प्रदर्शनका लागि केन्द्रीय नेताहरू जिल्ला–जिल्लामा पुगिसकेका छन् । सरकारको यस्तो कदम असंवैधानिक र अलोकतान्त्रिक भएको भन्दै कांग्रेसले आज छ हजार सात सय ४३ वडाबाट विरोध प्रदर्शन गर्न लागेको हो । विरोध प्रदर्शनका लागि कांग्रेसले केन्द्रीय कार्यसमिति बैठक पनि माघ १३ गतेसम्मका लागि स्थगित गरेको छ।