आजको मौसम;

तापक्रम –

अधिकतम:२७.४ डिग्री (विराटनगर)
न्युनतम :- -०.५ डिग्री (जोमसोम )

पौष २१ गते (मंगलबार)

दिउँसो : देशभर सामान्य बदली रहनेछ ।  सुदुर पश्चिम प्रदेश, कर्णाली प्रदेश, लुम्बिनी प्रदेश, गण्डकी प्रदेशका पहाडी भू-भागहरुका थोरै स्थानहरु तथा बागमती र प्रदेश न. १ को भू-भागहरुका एक वा दुई स्थानहरुमा हल्का वर्षाको सम्भावना रहेको छ । देशका उच्च पहाडी तथा हिमाली भू-भागमा हल्का देखि मध्यम हिमपातको समेत सम्भावाना छ ।

राति : देशभर आंशिक देखि सामान्य बदली रहनेछ । सुदुर पश्चिम, कर्णाली, गण्डकी, बागमती प्रदेश तथा प्रदेश नं १ का उच्च पहाडी तथा हिमाली भू-भागमा हल्का देखि मध्यम हिमपातको साथै  सुदुर पश्चिम प्रदेश र कर्णाली प्रदेशका पहाडी भू-भागहरुका केहि स्थानहरुमा हल्का वर्षाको सम्भावना रहेको छ।

 मौसम विश्लेषण :

हाल देशमा पश्चिमी वायुको प्रभाव रहेको छ ।

हाल मौसमको अवस्था :

हाल देशभर सामान्य बदली रहेको छ ।

आगामी तीन दिनको मौसम पूर्वानुमान (२०७७/०९/२० देखि २०७७/०९/२२) जारी समय : साँझ ६:०० बजे

देशभर सामान्य बदली रहने छ । सुदुर पश्चिम प्रदेश, कर्णाली प्रदेश, लुम्बिनी प्रदेश र गण्डकी प्रदेशका भू-भागहरुका केहि स्थानहरु तथा बागमती र प्रदेश न. १ को भू-भागहरुका थोरै स्थानहरुमा हल्का वर्षाको सम्भावना रहनुको साथै उच्च पहाडी तथा हिमाली भू-भागमा हल्का देखि मध्यम हिमपातको सम्भावना छ ।

तराईको हुस्सु/कुहिरो/शितलहर बुलेटिन  (जारी मिति: २०७७-०९-२० बिहान ९:०० बजे)

हाल कर्णाली प्रदेशको पहाडी भू-भागका केही स्थानहरू बाहेक अन्यत्र सबैतिर सामान्य बदली रहेको छ। पहाडी भू-भागमा हल्का वर्षा हुनुका साथै हिमाली भूभागमा हिमपात भएको छ। पूर्वी तराईका एक-दुई स्थानमा हुस्सु/कुहिरो लागेको छ ।

आगामी २४ घण्टाका लागि चेतावनी तथा परामर्श :

देशका उच्च पहाडी र हिमाली भू-भागमा हल्का देखि मध्यम हिमपात हुने तथा सुदुर पश्चिम प्रदेश, कर्णाली प्रदेश, लुम्बिनी प्रदेश र  गण्डकी प्रदेशका भू-भागहरुका केहि स्थानहरु तथा बागमती र प्रदेश न. १ को भू-भागहरुका थोरै स्थानहरुमा हल्का वर्षाको सम्भावना रहेकोले यात्रा गर्दा सावधानी अपनाउनु हुन तथा देशभर बदली भै बर्षा र हिमपातका कारण अधिकतम र न्युनतम तापक्रममा केहि गिरावट आई देशैभरी चिसो बढ्ने संभावना रहेकोले चिसोबाट बच्न आवश्यक सतर्कता अपनाउनु हुन सबैमा अनुरोध छ ।