निको हुने बढे पनि सक्रिय संक्रमित घटेनन्

कार्तिक २२। नेपालमा कोरोना संक्रमित निको हुनेहरु बढे पनि सक्रिय संक्रमितको संख्या भने कम भएको छैन। नेपाल सरकार स्वास्थ्य तथा जनसंख्या मन्त्रालयले गराएको जानकारी अनुसार नेपालमा गत २४ घन्टामा २ हजार २ सय ६  जना निको भए संगै हाल सम्म १ लाख ५५ हजार १ सय १४ जना संक्रमण मुक्त भइ सकेका हुन् । यो कुल संक्रमणको ८१ प्रतिशत हो।

यता सक्रिय संक्रमितहरुको संख्या भने कम भएको छैन।नेपालमा हाल सक्रिय संक्रमितहरुको संख्या ३५ हजार ४ सय ३५ रहेको छ। जुन कुल संक्रमणको १८.४ प्रतिशत हो।

आज १० हजार ४ सय २३ जनाको पिसिआर परिक्षण गर्दा २ हजार ७ सय ५३ जना नयाँ संक्रमित थपिएका हुन्। जसमा १ हजार ७७ जना महिला र १ हजार ६ सय ७६ जना पुरुष सम्मावेष छन्। यो संगै नेपालमा कुल संक्रमितको संख्या १ लाख ९१ हजार ६ सय ३६ पुगेको हो।

हाल सम्म १५ लाख २७ हजार ७ सय ६६ जनाको पिरिक्षण गरिएको छ। १ हजार १ सय ४४ जना क्वारेन्टाइनमा छन्। पछिलो २४ घण्टामा १७ जनाको मृत्यु भए संगै नेपालमा कोरोनाबाट कुल ज्यान गुमाउनेहरुको संख्या १ हजार ८७ पुगेको छ।