तेह्रवर्षमा फर्कियो खोलो, मस्त्यनारायणमा पलायो मूहान (भिडियो रिपोर्ट)

काठमाडौँ  १२ वर्षमा खोलो फर्किने उखानलाई १३ वर्षमा चरितार्थ गर्दै मत्स्यनारायण कुण्डमा। सुकेको मूहान फेरि पलाएको छ । अहिले चन्द्रागिरी नगरपालिका ९ मा पर्ने मत्स्यनारायण मन्दिर पोखरीको बिचमा रहेको छ । उक्त पोखरी करिब १३ वर्षअघि सुकेको थियो । एक दशकसम्म पनि पानी नपलाए पछि तीेन वर्षअघि अन्यत्रैबाट पानी ल्याइ पोखरीमा हालिएको थियो । त्यसरी हाल्दा हालेको केहीे दिन मै हरियो हुने र लेउ जम्ने गरेको थियो । अहिले मूहान पलाएपछि पोखरीको स्वरुप नै फेरिएको छ । पुरै जलाशय सफा पानीले भरिएको छ ।
हरेक वर्ष वर्षायाम सकिने बेलामा पलाउन सुरु भइ फागुन चैतसम्म पलाउने पान त्यस क्षेत्रका किसानका लागि हिँउदे बालीको सिंचाई स्रोत् समेत हो ।
मूहान पलाएपछि त्यस क्षेत्रका बासिन्दा निकै उत्साहित भएका छन् । मन्दिर दर्शन गर्न आउने भक्त जनहरुले भने यसलाई दैवि शक्तिका सत्य प्रकट भएको घटनाको रुपमा लिएका छन् ।
यसैबारेको यो भिडियो हेर्नुहोस्