कोरोना : आज एक सय ५६ थपिए

काठमाडौं: नेपालमा गत २४ को घन्टामा कोभिड १९ भेटिएका संक्रमितको संख्या १ सय  ५६ रहेको छ । यसरी हालसम्म कुल १७ हजार  ६ सय ५८ जना नेपाली कोभिड १९ बाट संक्रमीत देखिएका छन् ।

स्वास्थ्य तथा जनसंख्या मन्त्रालयले आज आयोजना गरेको नियमित पत्रकार सम्मेलनमा मन्त्रालयका प्रवक्ता डा. जागेश्वर गौतमले यो जानकारी दिनुभएको थियो ।
कुल संक्रमितमध्ये ५ हजार  ९ सय  २३ जना अहिले आइसोलेशनमा उपचारत छन् । देशका  ८ जिल्लामा कोरोना संक्रमितको संख्या अहिले सून्य छ ।
देशका कुल २७ वटा प्रयोगशालामा गत २४ घन्टामा कुल ३  हजार ७ सय ४१ जनामा कोरोना परीक्षण गरिएको थियो । कोरोना हुनसक्ने आशंकामा क्वारेन्टीनमा रहेकाको संख्या २२ हजार ६ सय ६२ रहेको छ।
हालसम्म कोभिड १९ लाई जितेर डिस्चार्ज हुनेको संख्या  ५८ रहेको छ । यो समेत गरी कुल संक्रमणलाई जित्नेको संख्या ११ हजार ६ सय ३७ पुगेको छ । यो कुल संक्रमितको संख्याको ६६.२४ प्रतिशत हो ।