इतिहास

कालापानीमा खुकुरी चम्किएको दिन

विसं २०५५ सालमा आजकै दिन अनेरास्ववियुको नेतृत्वमा नेपाली विद्यार्थी छिमेकी देश भारतद्वारा अतिक्रमित कालापानी क्षेत्रमा पुगेका थिए । जेठ २२ गते काठमाडौंबाट प्रस्थान गरेको टोली कालापानीको गागा क्षेत्रबाट त्यसतर्फ प्रस्थान गरेको थियो । त्यहाँ स्थित भारतीय सैनिक क्यापमा पुग्ने र ज्ञापनपत्र दिने गरी हिँडेको टोलीलाई भारतीय सनाले क्याम्पको करिब एक सय मिटर अघि बढन दिएन । ज्ञापनपत्र मात्र लिएर हिँडेको अनेरास्ववियु अध्यक्ष योगेश भटराई, उपाध्यक्ष रुपनारायण श्रेष्ठ तथा सञ्चारकर्मीहरुको टोलीलाई भारतीय अर्ध शैनिक बल(आइटिबिपी)को टोलीले अघिबढे गोली चलाइने चेतावनी दिँदै बीच बाटै फर्किन बाध्य बनाएको थियो ।

़त्यसपछि कालापानी अभियानका सबै सदस्यहरुले त्यही स्थलमा राष्टिय झण्डासहित सभा गर्दै कालापानी क्षेत्रबाट सेना नहटेसम्म अभियान जारी रहने उद्घोष गरेका थिए । उक्त सभामा भटराई र श्रेष्ठसहित सुरेन्द्र मानन्धर, सुस्मिता ढकाल नन्दु उप्रेतिले सम्बोधन गर्नुभएको थियो ।