इतिहास

दरबार हत्याकाण्ड

विसं 2058 सालमा आजैका दिन नेपालको तत्कालिन राजा वीरेन्द्र र उनको परिवार सहित १० जना शाही नातेदारको हत्या भयो जसलाई दरबार हत्याकाण्डका नामले चिनिन्छ ।

नेपाली जनताले आधुनिक इतिहासकै सबैभन्दा नाटकीय र अकल्पनीय घटना मानिने यो हत्या काण्डमा तत्कालिन युवराज दीपेन्द्रले राजा वीरेन्द्र, रानी ऎश्वर्य, अधिराजकुमारी श्रुति, अधिराज कुमार निराजन, काका धीरेन्द्र, शाही नातेदार शान्ति श्रद्धा जयन्ति र खड्ग विक्रम शाहलाई गोली हानी हत्या गरेका थिए । त्यसपछि उनले आफैमाथि गोली प्रहार गरेको बताइयो।

अर्को दिन अस्पतालमा गम्भीर घाइते रहेका उनलाई राजा घोषणा गरियो र उनका काका अधिराजकुमार ज्ञानेन्द्रलाई  नेपाल अधिराज्यको राज्य सहायक घोषणा गरियो।  त्यसको तीन दिनपछि कोमामा रहेका राजा दीपेन्द्रको मृत्यु भयो र राज्य सहायक ज्ञानेन्द्र नेपालका नया राजा घोषणा भए !