इतिहासमा आज ~ जब मोहम्मद अलीले मार्न मानेनन्

सन् १९६७ मा आजैका दिन विश्वचर्चित मुक्केबाज मोहम्मद अलीले भियतनाम लडाईका लागि अमेरिकी सेनामा सामेल हुन अस्वीकार गरेका थिए । त्यतीबेला उनको भनाई “मैले तिन(भियतनामी)लाई किन मार्ने ? ” ले अन्तराष्ट्रिय चर्चा पाएको थियो | परिणाम स्वरुप उनको हेवी वेट च्याम्पियन उपाधी तथा लाईसन्स खोसिएको थियो । यसपछि उनले चार वर्ष खेल्न पाएनन् । पछि सन् १९७१ मा अदालतले त्यो कारबाही उल्ट्याइदिएपछि भने खेल्न थालेका थिए ।

खेल्न नपाएको अवधिमा उनको युद्ध विरोधी छवीले लोकप्रियता कमाउँदै गयो । यसअवधिमा उनले अमेरिकाका भरी थुपै कलेजका विद्यार्थीलाई सम्बोधन गरे जसमा भियतनाम युद्धको आलोचनाका साथै अफ्रीकन अमेरिकी गौरव र जातीय न्याय सम्बन्धी वकालत हुने गथ्र्यो ।