इतिहासमा आज ~

जब सर्वोच्च सोभियत नेताले अमेरिकी स्कुले बालिकालाई भ्रमणमा बोलाए

सन् १९८३ मा आजैका दिन शितयुद्धको चरम अवस्थामा रहेका तत्कालिन सोभियत संघ र संयुक्त राज्य अमेरिकाबीच तनाव कायम रहेकै बेला १० वर्षे अमेरिकी बालिका सामान्था स्मिथले सोभियत सर्वोच्च नेता युरी एन्ड ो पोभको निमन्त्रणामा सोभियत संघको भ्रमण गरेकी थिइन् । तनावपूर्ण सम्बन्ध रहेको देशकी स्कुले बालिकालाई भ्रमणको निम्ता दिनुको कारण चाहीँ स्मिथले नेता एन्डोपोभलाई लेखेको चर्चित चिठी थियो । अमेरिकी संचारमाध्यमहरुले सोभियत रुस आणविक हतियारको प्रयोग गरेर विश्वलाई ध्वस्त बनाउन उद्धत रहेको समाचार प्रमुखतका साथ प्रकाशन गरे पछि स्मिथले नेता एन्डोपोपलाई आफूलाई आणविक युद्धको कुराले डरलागेको बताउँदै त्यसो गर्नुपर्नाको कारण सोधेकी थिइन् । पत्रमा उनले युद्धबाट मानवलाई सुरक्षित राख्न सोभियत संघले के गर्दैछ भन्ने प्रश्न पनि गरेकी थिइन् ।
तत्कालिन प्रमुख सोभियत अखबार प्राभ्दामा छापिएको यो पत्रको जवाफमा नेता एन्डोपोभलाई आपनो देश भ्रमण गर्ने निम्ता दिएका थिए । भ्रमणका क्रममा लेनिनग्राडमा आयोजित पत्रकार सम्मेलनमा उनले दिएको प्रतिकृयालाई आज पनि सम्झना गरिन्छ ः रसियनहरु हामी (अमेरिकी) जस्तै छन् ।
पत्र र भ्रमणबाट राष्टिय अन्तर्राष्टिय चर्चा बटुलेकी स्मिथ पछि थुपै ठाउँमा
रुसी र अमेरिकी संचारमाध्यममा छाएको थियो । यसै भ्रमणलाई लिएर उनलाई अमेरिकाको कान्छि राजदुतको उपमा समेत दिइएको थियो ।