इतिहासमा आज ~

आजैका दिन २०७२ साल वैशाख १२ गते ११:५६ मा गोरखाको बारपाक केन्द्रबिन्दु बनाएर ७.८ रेक्टर स्केलको भूकम्प गएको थियो । वैशाख १३ र २९ गते ६.८ रेक्टर स्केलको भूकम्प गयो । दुई हप्तामा १६० पटक भूकम्प गयो । ती भूकम्पको केन्द्रबिन्दु सिन्धुपाल्चोक, धादिङ, दोलखा, रसुवा, नुवाकोट, रामेछाप, सोलुखुम्बु नै थियो । भूक्म्पले छिमेकी मुलुक चीन, भारत र बंगलादेशसम्म असर पुर्‍याएको थियो।

यस भूकम्पबाट ८८९६ जना नेपाली तथा विदेशी नागरिकको ज्यान गएको थियो भने २२,३०३ जना घाइते भएका थिए । निजी तथा सरकारी भौतिक संरचना, ऐतिहासिक तथा पुरातात्विक देवदेवालय ध्वस्त भए । सात बिलियनबराबरको क्षति भएको अनुमान छ ।

भूकम्प जाँदा एउटै घरभित्र पुरिएर धेरै मरे । काठमाडौंको सुन्धारास्थित धरहरामा ६० जना, कपनमा २९ जना, टोखाको नौतले घरमा १७ जना, ठाडोभन्ज्याङको साढे चारतले घरमा ३८ जना, विजेश्वरीको ६ तले घरमा २८ जना र साढे तीनतले घरमा १७ जना, फौकाचोकमा पाँचतले घरमा १२ जना भग्नावशेषमा पुरिएर मृत्युभएको थियो