पर्सा/ १० चैत ।प्रदेश २ को एक मात्रै महानगरपालिका विरगंजलाइ पनि लक्डाउनको निर्णय सम्म पुर्याइसकेको विरगंजका महानगर प्रमुख बिजय सरावगिले बताउनु भएको छ ।
कोरोना भाइरसको संक्रमण विश्वव्यापी रुपमा भइलिदै गरेको अवस्थामा नेपाल पनि सुरक्षित घेरा भन्दा बाहिर देखिएकोले तराइका जिल्लाहरुमा पनि उच्च सतर्कता अपनाउदै गरेको बेला विरगंजलाइ पनि मध्य लक्डाउन गर्न सक्ने उच्च सम्भावना रहेको सरावगिले बताउनु भयो ।
महानगरपालिकाको सचेतना अपिललाई विरगंजवासिले स्विकार नगरी हुलको हुल बजारमा घुमिरहेको देख्दा अति आवश्यक वस्तु बाहेकका व्यापार र बजार बन्द गरिसकेको निर्णय यस अघि नै महानगरले गरिसकेको छ ।
महानगरपालिका भित्र औषधी,दूध बेच्ने पसल ,दूध बोक्ने गाडी ,तरकारी बजार तथा फलफुल पसल बाहेकका अन्य बजार बन्द गराइसकेको सरावगिले बताउनु भयो ।
महानगरबासिलाइ घर मै बस्न पट्क पटक महानगरले अनुरोध गर्दै आए पनि बजार चहल पहल कायमै देखिन्छ । चहल पहल कम गर्न बजार बन्द गर्नु जरुरी रहेकोले पहिलो चरणमा बजार बन्द गराइएको सरावगिले बताउनु भयो ।महानगरपालिकाको ३२ वटै वडाको वडा अध्यक्षहरुको नेतृत्वमा सचेतना समिती निर्माण गरि जनचेतना जगाउने काम गत ७ गते देखि नै हुदै आएको छ ।
प्रतिक्रिया