०९ चैत्र ,पर्सा : भारतबाट नेपाल छिर्नेको लर्को बढदोछ ! अर्के तर्फ विरगन्ज स्थित विरगन्ज-रक्सौल नाकामा कोरोना संक्रमण चेकजाँच गर्न अफ्ठ्यारो हुँदै गएको छ ।
यस्तोमा सामाजिक संजालहरू रंगिएका छन्, “नेपाल भारत सीमा बन्द गर”
यद्यपी अन्तर्राष्टि्रय सीमाको कुरा संघीय सरकारको क्षेत्राधिकारको विषय भएकोले प्रदेश र स्थानीय सरकारले ऒपचारिक धारणा सार्वजनिक भएको छैन …
ऒषधि र उपकरणको अभावमा रक्सौल हुँदै नेपाल भित्रीने यात्रुहरुलाई कोरोना संक्रमण परिक्षण गर्न समस्या हुँदै गएको छ ।
कोरोना संक्रमण परिक्षण गर्नका लागि नौ जना चिकित्सकको टोलि खटाइए पनि उपकरण नहुदा चेकजाँच गर्न समस्या हुँदै गएको टोलिका संयोजक महम्मद जैनुल्लाह हवारिले बताउनु भएको छ ।
जिल्ला प्रशासन कार्यलय पर्सा र विरगन्ज महानगरपालिकाको समन्वयमा महानगरमा आबद्ध स्वास्थ्यकर्मिहरुलाइ जांचमा खटाइए पनि उपकरणको प्रयाप्त उपलब्धता नभएकोले चेकजाँचमा समस्या भइरहेको हवारिले बताउनु भयो ।
९ जना स्वास्थ्यकर्मी बिच ३ वटा मात्रै थर्मोमिटर रहेको साथै सेनेटाइजर,गलप्स तथा गाउनको समेत अभाव रहेकोले स्वास्थ्यकर्मीको टोलि नै जोखिममा रहेको उहाले बताउनु भयो ।
उपकरणको अभाव हटाउन प्रयास रत रहेको महानगरका स्वास्थ्यशाखा प्रमुख अरुण मह्तोले बताउनु भएको ३ दिन बितिसक्दा पनि अवस्था भने उहीँ रहेको छ ।
विश्व भरी कोरोना भाइरस भइलिदै गरेको बेला तराइका जिल्लाहरुमा पनि कोरोनाको त्रास बढ्दै गएको छ । भारतको बिहार राज्यको पटनामा एक जना कोरोना संक्रमितको ज्यान गए पछि बारा,पर्सा,रौतहट लगायत प्रदेश २ का जिल्लाहरुमा समेत कोरोनाको त्रास बढ्दै गएको छ ।भारतीय सन्चार माध्यमहरुले प्रकाशन गरेको समचार अनुसार पटनाको एम्स अस्पतालमा मृत्यु हुनेको कारण कोरोना भएको पुष्टि गरे पछि प्रदेश २ का जनतामा त्रास बढेको हो ।
“खुल्ला नाका भएको र फितिल्लो चेकजाच हुँदै गरेकोले पनि त्रास बढ्दै जानू स्वभाविक भएको “पर्सा विरगन्जका युवा साजन क्षेत्रीले बताउनु भएको छ ।
पर्सा जिल्लाको सदरमुकाम विरगन्जको बजार अव्यवस्थित रहेकोले संक्रमणको उच्च जोखिममा रहेको देख्न सकिन्छ ।
प्रतिक्रिया