फाल्गुन २३, काठमान्डौ । ट्याक्सी चालकहरुले पठाऔ सेवालाइ रोक लगाउन माग गर्दै यातायात कार्यालय घेराउ गरेका छन्।
ट्याक्सी चालकको संगठनहरु उपत्यका ट्याक्सी व्यवसायी तथा चालक सेवा समाज र अखिल नेपाल यातायात मजदुर संघको उपत्यका ट्याक्सी विशेष जिल्ला समितिले शुक्रबार दिउँसो मीनभवन स्थित यातायात व्यवस्था कार्यालय समक्ष ज्ञापन पत्र बुझाउँदै यस्तो माग गरेका हुन् ।
‘पाटन उच्च अदालतले सेवा बन्द गर्न आदेश नै जारि गरे पनि प्रहरीसँगकै मिलोमतो अहिले सम्म पठाऔ सेवा चलिरहेको छ’, उपत्यका ट्याक्सी व्यवसायी तथा चालक सेवा समाजका अध्यक्ष सानु पुर्वाछाने मगरले संचारकर्मीहरुले भन्नुभयो ।
उपत्यकाममा चलिरहेका झन्डै ५ सय जना ट्याक्सी चालक जम्मा भएको उक्त घेराउमा ट्याक्सी चालकहरुले यातायात व्यवस्था कार्यालय अगाडी नाराबाजी समेत गरेका थिए । पछि अध्यक्ष पुर्वाछाने मगरको नेतृत्व यातायात व्यवस्था विभागका महानिर्देशक गोगन बहादुर हमाललाइ ज्ञापन पत्र बुझाइएको थियो।
ज्ञापनपत्रमा उच्च अदालतले परमादेश जारि गरेरै पठाऔ सेवा माथि प्रतिबन्ध लगाएको तर नेपाल प्रहरी कै मिलोमतोमा उक्त सेवा अहिलेसम्म संचालनमा रहेको उल्लेख छ ।
पठाऔका कारण ट्याक्सी चालकको रोजीरोटी नै संकटमा परेको दावी अध्यक्ष पुर्वाछानेको छ। ट्याक्सीले यात्रु कुरेकै ठाउँमा गएर हामी ट्याक्सी भन्दा कम भाडामा पुर्याइदिन्छौ भन्ने गरिएको छ, उहाँले भन्नुभयो ।
अध्यक्ष पुर्वाछाने मगरले शुक्रबार बिहान ७ बजे काठामाडौंको बाफलमा आफू स्वयंले यात्रु कुरिरहेकै स्थानमा बार्गेन गर्न आएका पठाऔ सेवाका बाइक चालकलाइ सम्झाउन खोज्दा विवाद भएको र विवाद मिलाउन आएका प्रहरीका जवान बि। आर। लोहारले आफूमाथि हातपात गरेको दावी समेत गर्नुभयो ।
उपत्यका भित्र संचालनमा रहेका करिब ३ सय ट्याक्सीहरु यातायात कार्यालयमा हुलेर विरोधमा उत्रिएका ट्याक्सी चालक संस्थाहरुले मंगलबार सम्म मांग सम्बोधन गर्दै पठाऔ सेवा प्रतिबन्ध नगरे क्रमबद्ध आन्दोलनमा जाने र ७७ वटै जिल्लामा सेवा अवरोध गर्ने जानकारी पनि अध्यक्ष पुर्वाछाने मगरले दिनु भएको छ।
प्रतिक्रिया