प्रमलाई भरेदेखि जाउलो ; आजबाट फिजियो पनि सुरू

बुधबार दोस्रो मृगौला प्रत्यारोपण पछि उच्चसतर्कता सहित पोष्ट अपरेटिभ वार्डमा राखिएका प्रधानमन्त्री केपि शर्मा ओलीको स्वास्थ्यमा तिव्रतर सुधार भईरहेको उपचारमा संलग्न चिकित्सकहरूले बताएका छन्

प्रत्यारोपण टोली सदस्य डा. पवन चालिसेका अनुसार प्रमको रिकभरी अन्य विरामी सरह स्वाभाविक ढंगले भइरहेको छ

”  प्रमलाई आजबाट कालो चिया र केही विस्कुट  दिएको छ भरेबाट जाउलो सुरु गर्ने जानकारी चिकित्सकहरूले दिएका छन्” प्रम ओलीका स्वकीय सचिव राजेश बज्राचार्यले बताउनु भयो ! आजैबाट प्रमलाई स्वासप्रस्वासजन्य अभ्यास (फिजियो) पनि सुरू गरिएको जानकारी पनि उहाँले दिनुभयो

उच्च डोजको इमिनो सप्रेसन ऒषधि चलाइएका कारण ओलीसँगको भेटघाटमा कडा नियन्त्रण गरिएको छ अर्को साता मात्र सामान्य भेटघाट सुरू गर्न सकिने संकेत चिकित्सकहरूले गरेका छन्

यस्तै प्रम ऒलीलाई आफ्नो एक मृगौला दिनुभएकी ओलीकी भान्जी समिक्षा संग्रौलाको स्वास्थ्य पनि तिव्र.गतिले सुधार भइरहेको सचिव बज्राचार्यले बताउनु भएको छ

संग्रौलालाई भोलीबाट पत्थ्य खाना दिन सकिने चिकित्सकहरूले बताएका छन्