‘एकीकृत कीर्तिपुर महोत्सव गरौं’: प्रमुख महर्जन

१९ फ़ाल्गुन । एकै प्रवृति तर छुटाछुटै हुन् लागेको कीर्तिपुर महोत्सव र पाँगा महोत्सवलाइ एकीकृत गर्ने नगर प्रमुख रमेश महर्जनले संकेत  गर्नु भएको छ ।

आगामी बैशाख १६ गते २० गते सम्म संचालन हुने कीर्तिपुर महोत्सवमा नै बैशाख कै १२ र १३ गते हुने भनिएको पाँगा महोत्सवलाइ पनि समायोजन गर्न आफुहरु तयार रहेको उहाले बताउनु भएको छ।

आइतवार नगरपालिकाको नयाँ भवनमा पत्रकार संगको भेटघाट कार्यक्रममा पाँगा महोत्सव संगै जोडिएको विषयहरु उठ्न थालेपछि नगर प्रमुख महर्जनले उक्त मनसाय व्यक्त गर्नुभयो।
वडा न ५ र ८ ले आयोजना गर्ने पाँगा महोत्सव र कीर्तिपुर नगरपालिकाले आयोजना गर्न लागेको कीर्तिपुर महोत्सव दुवैले उस्ता उस्तै कार्यक्रम तय गरेर गर्न लागेका हुन् । वडा नम्बर ५ र ८ का वडा अध्यक्षका अनुसार पाँगा महोत्सवलाई नगरपालिकाले बेवास्ता गरेको गुनासो रहेको तर नगर प्रमुख महर्जनले भने सके जतिको सहयोग गरेको खुलासा गर्नु भयो। १ करोडको लागत रहेको कीर्तिपुर महोत्सवमा नै पाँगा मिसाए नगर भरिका सांस्कृतिक,धार्मिक,एतिहासिक,शैक्षिक तथा आर्थिक उन्नति हुने उहाको दावी रहेको छ । छुटाछुटै लाग्ने लागत एकमुस्ट गर्दा जग बलियो  हुने बिस्वास उहाले व्यक्त गर्नु  भएको छ।
पत्रकार भेटघाट कार्यक्रममा कीर्तिपुर महोत्सव बारे चर्को बहस भएको थियो । महोत्सवमा फुड स्टलहरु ,नृत्यहरु,निशुल्क स्वास्थ्य परिक्षण ,कीर्तिपुरका गतिविधि झल्किने फोटो प्रदर्शनी ,खेलाकुख,वृतचित्र प्रदर्शनी,सांस्कृतिक मेला,नगाउमा नेवार संस्कृति प्रदर्शनी ,कीर्तिपुर समबन्धि डोकुमेण्ट्रि प्रदर्शनी ,बागमती प्रदेश स्तरीय दुइदिने लोकबाजा प्रदर्शनी आदि देखाइने नगर उपप्रमुख तथा प्रवक्ता सरस्वती रिजालले बताउनु भयो। सांस्कृतिक कार्यक्रममा भने अस्लिलता न्यूनीकरणको प्रयास गरिने नगर प्रमुख महर्जनले बताउनु भएको छ। सांस्कृतिक कार्यक्रम तथा खेलकुदमा स्थानीय प्रतिभालाई प्राथमिकता दिइने तथा महोत्सवमा राष्ट्रिय स्तरका कलाकारसमेत भित्र्याउने योजना रहेको उहाले बताउनु भयो ।