मांस, मदिरा गाजाँ र प्लाष्टिक निषेध

पशुपति क्षेत्र विकास कोषले यही शुक्रबार परेको यस वर्षको महाशिवरात्रीका लागि सम्पूर्ण तयारी पूरा भएको बताएको छ ।
कोषले आज आयोजना गरेको पत्रकार सम्मेलनमा यो जानकारी दिएको हो । कोषले महाशिवरात्रि पर्वमा लाखौंको संख्यामा आउने दर्शनार्थी, भक्तजनहरुको संख्या र समग्र व्यस्थापनका लागि कोष सञ्चालक परिषद्का अध्यक्ष समेत रहेका संस्कृति, पर्यटन तथा नागरिक उड्डयन मन्त्री योगेश भट्टराईको संयोजकत्वमा एक सय ११ सदस्यीय महाशिवरात्रि व्यवस्था मूल समिति गठन गरिएको जानकारी पनि पत्रकार सम्मेलनमा दिइयो । कार्य सम्पादन गर्न गठित समिति र उपसमितिहरु अन्तरगत सुरक्षा व्यवस्थापनमा नेपाल प्रहरीको अगुवाईमा सशस्त्र प्रहरी तथा राष्ट्रिय अनसन्धान विभागका समेत सुरक्षाकर्मी, जनशक्ति मेला अवधिभर परिचालन गरिनुका साथै नेपाल स्काउट लगायत विभिन्न क्षेत्रबाट गरी करिव ५ हजार जना स्वयंसेवकहरु परिचालन गरिने जानकारी पनि कार्यक्रममा दिइयो । मेलाअवधिका लागि सुरक्षा व्यवस्था,स्वयंसेवक परिचालन स्वास्थ्य शिविर,वातावरण तथा सरसफाई,जुत्ताचप्पल ,चन्दन वितरण,मन्दिर प्राङ्गण तथा पुजा,आवास,भोजन तथा भौतिक पुर्वाधार,साधुसन्त सेवा,दर्शन मार्ग,पार्किङ तथा ट्राफिक व्यवस्थापन,धार्मिक कार्यक्रम,साजसजावट उपसमितिहरु गठन र जिम्मेवारी वाडफाड गरिएको छ ।

कोषले पाशुपत क्षेत्र कानुनद्वारा नै मांस, मदिरा तथा कुनै पनि प्रकारका नशालुपदार्थ निषेधित क्षेत्र भएकाले
महाशिवरात्रि पर्व समेतमा गाँजा९भाङ, जाँड९रक्सी जस्ता नशालु पदार्थहरुको बिक्रीवितरण, ओसारपसारमा प्रयोग वा सेवन नगर्न अनुरोध गरिएको छ ।
ड्डपशुपति क्षेत्र प्लाष्टिक निषेधित क्षेत्र पनि भएकोले मेला क्षेत्रमा सेवा प्रदान गर्ने सबै संस्थाहरुलाई भोजन, पानी, चिया वितरण गर्दा प्लाष्टिकका कप प्रयोग नगरिदिन अनुरोध गरेको छ ।

सम्मान गर्नुपर्ने व्यक्तित्व, ज्येष्ठ नागरिक, शारीरिक रुपमा अशक्त एवं अपाङ्गता भएका व्यक्तिहरुलाई समस्या परेमा आफ्नो नजिक रहेको स्वास्थ्य शिविरमा सम्पर्क राख्नुहुन साथै नजिकैका सुरक्षा जनशक्ति वा स्वयंसेवकहरुको सहयोग लिन समेत कोषले अनुरोध गरेको छ । स्वयंसेवकहरुलाई सभ्य भाषा, नम्र एवं सुसंस्कृत व्यवहार गर्न, नमड्स्कार मौलिक संस्कार भएकोले यसलाई गर्वका साथ अवलम्बन गर्नका लागि समेत कोषले समेत अनुरोध गरेको छ ।
साथै स्थानीय वडा कार्यालयहरुले पशपति मन्दिर आसपास बसोबास गर्ने स्थानीय वासिन्दाहरुका लागि जारी गरिएको स्थानीय परिचयपत्रका आधारमा आफ्नो बसोबास रहेको स्थानसम्म आवतजावत गर्न दिने समेत व्यवस्था मिलाइएको जानकारी पनि कार्यक्रममा दिइयो

नेपाल र नेपालीको मात्र नभई समस्त प्राणीजगतको कल्याणका निमित्त नेपालबाट विश्व ब्रह्माण्डमा सकारात्मक सन्देश प्रवाह हने पावन पशुपति क्षेत्रमा हर्षोल्लासपूर्वक मनाइने महाशिवरात्रि विशेष महत्व बोकेको पर्व भएकाले तयारी सुरक्षा व्यवस्थामा यथासम्भव उच्चस्तरको बनाइएको जानकारी पनि कार्यक्रममा दिइयो ।
विश्वका हिन्दु धर्मावलम्बीहरुले महाशिवरात्रि पर्वलाई विशेष महत्त्व दिएका श्री पशुपतिनाथको दर्शन गर्न निकै ठूलो संख्यामा दर्शनार्थी, भक्तजनहरुको आगमन हुने गर्दछ ।
मेलामा पशुपति क्षेत्र विकास कोषसंगै सुरक्षा निकाय, विभिन्न धार्मिक९सामाजिक संघसंस्थाहरु, सेवा प्रदायक सरकारी एवं गैरसरकारी निकायहरु, खटिने जानकारी पनि कार्यक्रमा दिइयो।

पूजा अर्चनाका लागि चार लाइन 

कार्यक्रममा शिवरात्रीका दिन पशुपति मन्दिर दर्शन गर्न चारवटा लाइनको व्यवस्था जानकारी समेत दिइयो । यस अनुसार पश्चिम ढोका, उत्तरढोकाबाट एक एक लाइन र दक्षिण ढोकाबाट दुई लाइनको व्यवस्था गरिएको  छ । मित्रपार्क तथा गौरीघाट भएर उमाकुण्ड– दक्षिणामूर्ति हुँदै रुद्रगाडेश्वर उत्तरढोकाबाट १ लाइन, जयवागेश्वरी– इँटापाखा भएर भुवनेश्वरीस्थित फलामको सानो ढोका हुँदै पश्चिम ढोकाबाट एक लाइन व्यवस्था गरिएको छ । त्यस्तै बत्तीसपुतली–गौशाला तथा एअरपोर्ट तीलगंगा भएर पिंगलास्थान–सुमार्गी भवन अगाडि भएर चार शिवालय पञ्चदेवल हुँदै दक्षिण ढोकाबाट दुईवटा लाइन रहने कोषले जनाएको छ । आवश्यकता अनुसार तीलगंगा राममन्दिरतर्फ समेत एउटा लाइन हुने एवं  दर्शन गर्न जानेहरु  प्रवेश  मार्गबाट फर्किनुपर्ने जानकारी पनि कार्यक्रमा दिइयो। ।