जय यादव
०१ फागुन। महानगरीय ट्राफिक प्रहरी कार्यालयले पौष महिना भरिमा मात्रै ३ करोड ७ लाख ७२ हजार ४ सय राजस्व संकलन गरेको छ। सरवारी साधन चलाउदा विभिन्न ट्राफिक नियम पालना नगरेको भन्दै जरिवाना तिर्न लाएर सो रकम संकलन भएको महानगरीय ट्राफिक प्रहरी कार्यालयका प्रहरी उपरीक्षक एवं प्रवक्ता जीवन कुमार श्रेष्ठले बताउनु भएको छ ।
उहाका अनुसार ४११७ ट्रकलाई कारवाही गरेर २५ लाख ५२ हजार ,१३४१४ वटा बसबाट ८३ लाख ५१ हजार ५ सय जरिवाना गरिएको छ। त्यसतै १४४८२ वटा कार,जिप तथा भ्यानलाई कारवाही गर्दा ९१ लाख १८ हजार ५ सय रकम, १४४ वटा ट्याक्टरबाट ८४ हजार,१६०९५ वटा मोटरसाइकलबाट १ करोड २७ लाख ८ हजार र ६५८ वटा अन्य सवारी साधनलाई कारवाही गरि ३८ लाख ८ हजार ५ सय रकम संकलन गर्दा जम्मा ४८९१० वटा सवारी साधन कारवाहीमा परेको तथ्यांक महानगरीय प्रहरी कार्यालयले उपलब्ध गराएको छ।
सिल्टबेल्ट नगाएकाहरु ५२१ जना कारवाहीमा पर्दा ८२९ जनाले तोकेको भन्दा बढि भाडा लिने चालकहरु कारवाहीमा परेका थिए। सडक नियम पालना नगरी लेन परिवर्तन गरेर गाडी चलाउनेहरुको संख्या २९४० देखाएको तथ्याङ्कमा ढोका खुल्ला गरि चलाउनेहरु ३३१९ जना थिए । पार्किङ्ग निषेधित क्षेत्रमा ५८१७ जना पार्किङ्ग गर्नेहरु कारवाहीमा परेका छन् । त्यसतै १५६९ जना हर्न बजाएर जरिवाना तिरेका छन् भने १८६२ जना मापसे जाच गर्दा र सिसिटिभी मार्फत विभिन्न नियम मिसने ११६० जना कारवाहीमा परेको प्रवक्ता जीवन कुमार श्रेष्ठले बताउनु भएको छ ।
प्रतिक्रिया